कोरोनामुळे पालक गमवलेल्या विद्यार्थ्यांचे पदवी,पदव्युत्तर पर्यंतचे पुर्ण शुल्क माफ - उच्च व तंत्र शिक्षण मंत्री उदय सामंत यांची घोषणा
Mumbai Lakshadeep For Printing Download Epaper from files section from bottom of this page
मुंबई : कोरोनामुळे ज्या विद्यार्थी-विद्यार्थीनींचे आई,वडील,पालक मयत झाले असतील अशा विद्यार्थ्यांचे पदवी,पदव्युत्तर शिक्षण पुर्ण होईपर्यंतचे संपूर्ण शुल्क माफ करण्याची महत्वपूर्ण घोषणा राज्याचे उच्च व तंत्रशिक्षण मंत्री उदय सामंत यांनी केली.अनुदानित महाविद्यालय व विद्यापीठीय विभागातील सर्व अभ्यासक्रमासाठी आकारण्यात येणाऱ्या इतर शुल्कांमधील जिमखाना शुल्क,विविध गुणदर्शन,उपक्रम शुल्क,कॉलेज मॅगेजीन शुल्क, संगणक शुल्क,क्रीडा निधी,वैद्यकीय मदत निधी आणि युथ फेस्टिवल अशा ज्या बाबींवर कोणत्याही प्रकारे खर्च आकारण्यात आलेला नाही.त्या बाबींसाठी आकारण्यात येणारे शुल्क पुर्णपणे माफ करण्यात येणार असल्याची माहिती सामंत यांनी दिली.प्रयोगशाळा व ग्रंथालय यांची देखभाल व ग्रंथालयामध्ये ई-कन्टेंट विकत घेण्यासाठी खर्च करण्यात आला असल्याने याबाबतच्या शुल्कामध्ये ५० टक्के सवलत देण्यात येईल.विद्यार्थ्यांद्वारे व वसतीगृहाचा उपयोग करण्यात येत नसल्याने वसतीगृह शुल्कापोटी आकारण्यात येणारे शुल्क पुर्णपणे माफ करण्यात येणार असल्याचे सामंत यांनी सांगितले.
विनाअनुदानित,कायम विनाअनुदानित महाविद्यालयांद्वारे आकारण्यात येणाऱ्या शिक्षण शुल्क व विकास निधी यामध्ये सवलत देण्यात येणार नाही परंतु इतर शुल्कामधील जिमखाना शुल्क, विविध गुणदर्शन,उपक्रम शुल्क,कॉलेज मॅगेजीन शुल्क, संगणक शुल्क, क्रीडा निधी, वैद्यकीय मदत निधी आणि युथ फेस्टिवल अशा ज्या बाबींवर कोणत्याही प्रकारे खर्च आकारण्यात आलेला नाही त्या बाबींसाठी आकारण्यात येणारे शुल्क पुर्णपणे माफ करण्यात येणार आहे. त्याचप्रमाणे प्रयोगशाळा व ग्रंथालय शुल्क यामध्ये ५० टक्के सवलत देण्यात येईल, असेही सामंत म्हणाले.
