सिनीयर पांड्याच्या पाऊलांवर पाऊल ठेवत 'ज्यूनियर पांड्या
Mumbai Lakshadeep For Printing Download Epaper from files section from bottom of this page
भारतीय क्रिकेट संघाचा अष्टपैलू खेळाडू हार्दिक पंड्याला अगस्त्य पंड्या नावाचा गोंडस मुलगा आहे.
सोशल मीडियावर सिनीयर पंड्या व ज्युनियर पंड्या जोडी प्रचंड लोकप्रिय आहे. हार्दिकने शेअर केलेल्या
फोटोंना चाहत्यांच्या जबरदस्त लाईक्स येतात. गेल्यावर्षी ३० जुलै रोजी अगस्त्यचा जन्म झाला होता.
तेव्हा खुद्द हार्दिकने सोशल मीडियावर पोस्ट करत याची माहिती चाहत्यांना दिली होती. अगस्त्य आता
नऊ महिन्यांचा झाला असून त्याने आता पाऊल टाकायला सुरुवात केली आहे.
अगस्त्यने सध्या चालायला सुरुवात केली असून, बाप हार्दिक यात त्याची मदत करत आहे. हार्दिकने
ज्युनियर पंड्यासोबतचा आपला हा व्हिडीओ सोशल मीडियावर शेअर केला आहे. हार्दिक या फोटोमध्ये
काळ्या रंगाचा टी-शर्ट व लाल रंगाच्या शॉर्टमध्ये दिसत आहे. त्याच्यासोबत ज्युनियर पंड्या हार्दिकचा
हात पकडून चालताना दिसत आहे. हार्दिकने या व्हिडीओच्या बॅकग्राऊंडला 'हे बेबी' हे गाणे लावले आहे.
विशेष म्हणजे या व्हिडीओवर माजी कर्णधार एमएस धोनीची पत्नी साक्षी सिंग व आजी कर्णधार विराट
कोहलीची पत्नी अनुष्का शर्मानेही कमेंट केली आहे. विराट व धोनी हे हार्दिकचे जवळचे मित्र मानले
जातात. अनुष्काने या व्हिडीओवर पर्पल रंगाच्या तीन लव्ह इमोजीस टाकल्या आहेत. तर साक्षी धोनीने
लव्ह इमीजी टाकली आहे.
या दोघींशिवाय कुलदीप यादव, सुनिल शेट्टी, केएल राहुलसह मुंबई इंडियन्सच्या अधिकृत सोशल
मीडियावरुनही कमेंट्स करण्यात आल्या आहेत.
