प्रियांका चोप्राने सांगितले सुखी संसाराचे रहस्य
Mumbai Lakshadeep For Printing Download Epaper from files section from bottom of this page
बॉलिवूड आणि हॉलिवूड अभिनेत्री प्रियांका चोप्रा तिच्या अभिनया व्यतिरिक्त खाजगी आयुष्यामुळेही गेल्या काही दिवसांपासून चर्चेत आली आहे. प्रियांका तिच्या सोशल मीडिया अकाउंटच्या माध्यमातून नेहमीच स्वतःच्या खाजगी आयुष्यातील आणि पती निक जोनासच्या सोबतच्या अनेक गोष्टी शेअर करत असते. प्रियांका चोप्राने डिसेंबर २०१८ मध्ये अमेरिकन गायक निक जोनाससोबत राजस्थानच्या उमेद भवनमध्ये लग्न केलं. बॉलिवूड देसी गर्ल प्रियंका चोप्रा आणि निक जोनास त्यांच्या लग्नानंतर नेहमीच एकत्र एन्जॉय करताना दिसतात.
लग्नाच्या दोन वर्षानंतर आता प्रियांका चोप्राने सुखी संसारातील काही गोष्टींचा खुलासा केलाय. नुकताच प्रियांका चोप्राने एका ऑस्ट्रेलियन मासिकासाठी मुलाखत दिलीये. यावेळी तिने एक उत्तम आणि सुखी संसारासाठी कोणकोणत्या गोष्टी महत्त्वाच्या असतात, याच्या टिप्स तिने शेअर केल्या आहेत. या मुलाखतीत तिने पती निक जोनाससोबतच्या सुखी संसारातील काही गुपितं देखील शेअर केली आहेत. यावेळी ती म्हणाली, “एकमेकांसोबत वेळ घालवणं आणि जास्तीत जास्त संवाद असणं ही सुखी संसाराची लक्षणं आहेत.”
