पलक तिवारीने डिलीट केलं इन्स्टाग्राम अकाऊंट
Mumbai Lakshadeep For Printing Download Epaper from files section from bottom of this page
अभिनेत्री श्वेता तिवारी तिच्या खासगी आयुष्यामुळे गेल्या काही दिवसांपासून चांगलीच चर्चेत आलीय. श्वेता तिवारी आणि तिचा पती अभिनव कोहली गेल्या काही दिवसांपासून एकमेकांवर विविध आरोप करत आहेत. श्वेतापासून विभक्त झाल्यापासून अभिनव मुलाच्या हक्कासाठी श्वेतावर आरोप करत आलाय. तर श्वेताने अभिनवच्या आरोपांचं खंडन करून अभिनववर प्रत्यारोप केले आहेत.
या सर्व वादानंतर आता श्वेताची मुलगी पलकने सोशल मीडियाला पाठ फिरवल्याचं दिसून येतंय. श्वेताची मुलगी पलक सोशल मीडियावर चांगलीच सक्रिय आहे. इन्स्टाग्रामवर ती ग्लॅमरल फोटो शेअर करत चाहत्यांचं लक्ष वेधून घेत असते. इन्स्टाग्रामवर पलकचे लाखो चाहते आहेत. मात्र सध्या चाहत्यांना पलकचं अकाऊंट शोधणं कठीण झालंय.कारण पलक तिवारीने तिचं इन्स्टाग्राम अकाऊंट डिलीट केलंय. दरम्यान, पलक तिवारीची आई म्हणजेच अभिनेत्री श्वेता तिवारी इन्स्टाग्रामवर पीटी नावाच्या एका अकाऊंटला फॉलो करत असून ते एक प्रायव्हेट अकाऊंट आहे. या युजरचं नाव पलक टी आहे. त्यामुळे हे अकाऊंट पलकचं असल्याची चर्चा नेटकऱ्यांमध्ये रंगली आहे. मात्र हे अकाऊंट नेमकं पलक तिवारीचं आहे का अद्याप स्पष्ट झालेलं नाही.
दुसरीकडे पलकने अकाऊंट डिटील का केलं ? असा प्रश्न नेटिझन्सकडून विचारला जातोय. श्वेता आणि अभिनवच्या वादामुळे पलकने अकाऊंट डिलीट केल्याच्या चर्चाही रंगू लागल्या आहेत.
