तारक मेहता…’मधील ‘टप्पू’च्या वडिलांचे निधन
For Printing Download Epaper from files section from bottom of this page
‘तारक मेहता का उल्टा चष्मा’ मालिकेत टिप्पूची भूमिका साकारणारा अभिनेता भव्य गांधीच्या वडिलांचे निधन झाले. विनोद गांधी यांचे करोनामुळे निधन झाले आहे. पिंकविलाने दिलेल्या वृत्तानुसार भव्यच्या वडिलांनी ११ मे रोजी मुंंबईमधील रुग्णालयात अखेरचा श्वास घेतला.
करोना चाचणी पॉझिटिव्ह आल्यानंतर भव्यच्या वडिलांना मुंबईमधील कोकिलाबेन अंबानी रुग्णालयात दाखल करण्यात आले होते. गेल्या १० दिवसांपासून त्यांच्यावर उपचार सुरु होते. काल रात्री त्यांनी अखेरचा श्वास घेतला. विनोद गांधी यांच्या पश्चात त्यांची पत्नी यशोदा आणि दोन मुले निश्चित आणि भव्य असा परिवार आहे. भव्यला दोन दिवसांपूर्वी चुलत भाऊ समय शाहच्या बहिणीच्या लग्नाला हजेरी लावायची होती. पण वडिलांची प्रकृती खालावल्यामुळे त्याने या लग्नसोहळ्याला व्हर्चुअल पद्धतीने हजेरी लावली. भव्यने ‘तारक मेहता का उल्टा चष्मा’ मालिकेत टिप्पू ही भूमिका जवळपास ९ वर्षे साकारली होती. त्याला या मालिकेने लोकप्रियता मिळवून दिली. पण २०१७मध्ये त्याने मालिका सोडण्याचा निर्णय घेतला. त्यानंतर त्याने काही गुजराती चित्रपटांमध्ये काम केले