अवघ्या वीस तासांमध्ये ‘फिलहाल २’च्या टीझरला ८.५ मिलियन व्ह्यूज
Mumbai Lakshadeep For Printing Download Epaper from files section from bottom of this page
अक्षय कुमार हा बॉलिवूडमधील एक सुपरस्टार अभिनेता म्हणून ओळखला जातो. चित्रपटांसोबतच तो सोशल मीडियावर व्हायरल होणाऱ्या फोटो आणि व्हिडीओजमुळे देखील चर्चेत असतो. अक्षयचा असाच एक व्हिडीओ सध्या इंटरनेटवर अक्षरश: धुमाकूळ घालतोय. हा व्हिडीओ गेल्या मोस्ट अवेटेड ‘फिलहाल २’ गाण्याच्या टीझरचा आहे. विशेष म्हणजे या गाण्याचा टीझर आऊट झाल्यानंतर अवघ्या २० तासांमध्येच तब्बल ८.५ मिलियन इतके व्ह्यूज मिळाले आहेत.
बॉलिवूडचा खिलाडी अक्षय कुमार हा त्याच्या चित्रपटांसाठी कायम चर्चेत असतो. गेल्या वर्षीपासून त्याचे बरेच चित्रपट रिलीजच्या प्रतिक्षेत आहेत. पण सध्या तो त्याच्या आगामी म्यूजिक व्हिडीओ ‘फिलहाल 2’साठी सोशल मीडियावर बराच चर्चेत आलाय. अक्षय कुमार आणि नुपुर सेनन स्टारर मोस्ट अवेटेड ‘फिलहाल 2’ या गाण्याची पहिली झलक समोर आलीय. यात अक्षय कुमार त्याच्या Ex-गर्लफ्रेंडच्या लग्नात डान्स करताना दिसून येतोय. पण डान्स करताना त्याचे डोळे पाणावलेले पाहून या गाण्यात एका अधुऱ्या लव्ह स्टोरीचा प्रीक्वल असणार असा अंदाच चाहते लावत आहेत. या टीझरमध्ये अभिनेत्री नुपुर नवरीच्या लूकमध्ये खूपच गोड दिसून येत आहे.
