‘या’ फोटोमुळे चर्चेत आली ‘होणार सून मी…’ फेम अभिनेत्री तेजश्री प्रधान
Mumbai Lakshadeep For Printing Download Epaper from files section from bottom of this page
स्मॉल स्क्रिनवरील सर्वांची लाडकी सुनबाई तेजश्री प्रधान ही ‘अग्गबाई सूनबाई’ या मालिकेनंतर गायब झाली होती. सध्या ती कोणत्या मालिकेत झळकत नसली तरी ती तिच्या सोशल मीडियाच्या माध्यमातून तिच्या फॅन्सना दररोज काही ना काही अपडेट देताना दिसून येतेय. अग्गबाई सूनबाई या मालिकेने प्रेक्षकांचा निरोप घेऊन आता बरेच महिने उलटले तरी अद्याप ती कुठेही झळकेली नाही. अशातच तेजश्री प्रधान एका फोटोमुळे चर्चेत आलीय.
झी मराठीवरील ‘होणार सून मी..’ मालिकेतू घराघरांत पोहोचलेली अभिनेत्री तेजश्री प्रधान हिने प्रेक्षकांच्या मनात स्थान मिळवलंय. छोट्या पडद्यासोबतच रंगभूमी, मराठी चित्रपट आणि बॉलिवूडमध्येही तेजश्री प्रधानने आपल्या अभिनयाची जादू पसरवली आहे. अखेरला ती ‘अग्गबाई सासूबाई या मालिकेत झळकली होती. या मालिकेने प्रेक्षकांचा निरोप घेऊन आता बरेच महिने उलटले आहेत. पण तेव्हापासून तेजश्री स्मॉल स्क्रिनपासून दूर आहे. तसंच ती सोशल मीडियापासून देखील काही काळ लांब होती. त्यामुळे अनेक वेगवेगळ्या चर्चा रंगताना पाहायला मिळत होत्या. त्यानंतर आती तिच्या एका फोटोची मात्र बरीच चर्चा होतेय.
अभिनेत्री तेजश्री प्रधानने तिच्या इन्स्टाग्राम अकाउंटवर एक फोटो शेअर केलाय. या फोटोमध्ये तिने नेहमीप्रमाणे चेहऱ्यावर क्यूट स्माईल देत बाकावर बसून पोज देत हा फोटो क्लिक केलाय. या फोटोमध्ये ती कमालीची सुंदर आणि डॅझलिंग दिसत आहे. यात तिने रेड टॉप आणि ब्लू जीन्स परिधान केलेली आहे. हा फोटो शेअर करताना तिने एक कॅप्शन देखील लिहिली आहे. तिने लिहिलेली ही कॅप्शनच सध्या तिच्या चर्चेत येण्यामागचं कारण आहे. “तुमच्या आयुष्यात काहीतरी नविन घडणारेय…जे सारं काही सकारात्मक मार्गाने बदलून टाकेल.”, असं तिने या कॅप्शनमध्ये लिहिलंय.
