रवीना टंडनचा आर्यन खानला पाठिंबा

Oct 9, 2021 - 00:26

111 0

शनिवारी रात्री मुंबईहून गोव्याकडे निघालेल्या क्रूझवर एनसीबीने छापा टाकला. या छाप्यामध्ये बॉलिवूडचा सुपरस्टार शाहरुख खानचा मुलगा आर्यन खानसोबत आणखी काही लोकांना ताब्यात घेण्यात आले. रविवारी आर्यनला अटक करण्यात आली. त्यानंतर ४ ऑक्टोबरला त्याची कोठडी ७ ऑक्टोबरपर्यंत वाढवण्यात आली. आर्यन खान, अरबाज मर्चंट आणि मुनमुन धामेचा यांच्या एनसीबी कोठडीबाबत गुरुवारी सुनावणी झाली. मुंबई न्यायालयाने आर्यन खानसह ८ जणांना १४ दिवसांच्या न्यायालयीन कोठडीत पाठवण्याचा निर्णय घेतला. न्यायालयाने म्हटले आहे की एनसीबीला तपासासाठी पुरेपूर संधी आणि वेळ देण्यात आली आहे, त्यामुळे आता त्यांना न्यायालयीन कोठडीत पाठवले जात आहे. दरम्यान, अनेक कलाकारांनी पोस्ट शेअर करत आर्यन खानला पाठिंबा दिला. अभिनेत्री रवीना टंडनने केलेल्या पोस्टने सर्वांचे लक्ष वेधून घेतले.

रवीनाने आर्यन खानला पाठिंबा देत ट्वीट केले आहे. ‘लाजिरवाणे राजकारण केले जात आहे. हे एका तरुणाचे आयुष्य आहे आणि तुम्ही त्याच्या भविष्यासोबत खेळत आहात. हे भयानक आहे’ या आशयाचे ट्वीट रवीनाने केले आहे.