“शिवप्रसाद काय असतो, ते राऊतांनी वैभव नाईकांना विचारावं”, आमदार नितेश राणेंचा खोचक टोला!
Mumbai Lakshadeep For Printing Download Epaper from files section from bottom of this page
दोनच दिवसांपूर्वी शिवसेना भवनासमोर शिवसेना आणि भाजपा कार्यकर्त्यांमध्ये तुफान राडा झाला. भवनासमोर आंदोलन करणाऱ्या भाजयुमोच्या कार्यकर्त्यांना शिवसेना कार्यकर्ते भिडले आणि पोलिसांना मध्यस्थी करावी लागली. तशाच स्टाईलचा राडा आज कोकणात सिंधुदुर्गमध्ये दोन्ही पक्षांच्या कार्यकर्त्यांमध्ये झाल्यानंतर भाजपा आमदार नितेश राणे यांनी थेट शिवसेना खासदार संजय राऊत यांना खोचक टोला लगावला आहे. “शिवप्रसाद काय अतो, हे संजय राऊतांनी वैभव नाईकांना विचारावं, पोटभर दिलाय आज”, असं नितेश राणे म्हणाले आहेत. शिवसेना भवनासमोर झालेल्या राड्यावर संजय राऊतांनी केलेल्या शिवप्रसाद आणि शिवभोजन थाळीचा संदर्भ घेऊन केलेल्या विधानावर नितेश राणेंनी हा टोला लगावला आहे.
भाजपा आमदार नितेश राणे यांनी या मुद्द्यावरून संजय राऊत यांची खिल्ली उडवली आहे. “शिवप्रसाद काय असतो, ते संजय राऊतांनी आमदार वैभव नाईकांना विचारावं. पोटभर दिलाय आज आमच्या कार्यकर्त्यांनी. पाहिजे असेल, तर पार्सल घेऊन येतो सामना ऑफिसमध्ये. टेस्ट आवडेल नक्की!” असं ट्वीट करत नितेश राणेंनी संजय राऊतांना देखील या ट्वीटमध्ये टॅग केलं आहे. गेल्या काही दिवसांपासून राणे बंधूंकडून सातत्याने शिवसेनेला लक्ष्य केलं जात असताना त्यामध्ये नितेश राणेंच्या या नव्या ट्वीटची भर पडली आहे.
