राष्ट्रवादी काँग्रेस गर्दी होईल असा एकही राजकीय कार्यक्रम घेणार नाही
Mumbai Lakshadeep For Printing Download Epaper from files section from bottom of this page
मुंबई । गर्दी होणारे राजकीय कार्यक्रम,सभा,मोर्चे त्वरित स्थगित करावेत असे आवाहन मुख्यमंत्री उद्धव ठाकरे यांनी राज्यातील सर्व राजकीय पक्ष आणि संघटनांना केल्यानंतर राष्ट्रवादी काँग्रेसने याला सकारात्मक प्रतिसाद देत गर्दी होईल असा एकही राजकीय कार्यक्रम घेण्यास पक्षाच्यावतीने मनाई करण्यात आली असून तसे कार्यक्रम पक्षाच्या माध्यमातून होणार नाहीत ही पक्षाची भूमिका असल्याची माहिती राष्ट्रवादी काँग्रेसचे मुख्य राष्ट्रीय प्रवक्ते आणि अल्पसंख्याक मंत्री नवाब मलिक यांनी दिली आहे.
राज्यातील सर्व राजकीय पक्षाच्या पदाधिकाऱ्यांना सार्वजनिक ठिकाणी कार्यक्रम घेऊन गर्दी जमवू नका किंवा एखाद्या कार्यक्रमातून गर्दी होईल असा कार्यक्रम घेऊ नका थोडे दिवस थांबा असा आग्रह मुख्यमंत्री उद्धव ठाकरे यांनी मंत्रिमंडळाच्या बैठकीत धरला आणि तशा सूचना तिन्ही पक्षांच्या पदाधिका-यांना केल्या आहेत.त्यामुळे कोरोनाचा वाढता प्रार्दुभाव लक्षात घेता गर्दी टाळण्यासाठी पाऊले टाकली पाहिजेत ही पक्षाची भूमिका असल्याचेही मलिक यांनी स्पष्ट केले आहे.मुख्यमंत्र्यांच्या या आवाहनाला सकारात्मक प्रतिसाद देत गर्दी होईल असा एकही राजकीय कार्यक्रम पक्ष घेणार नसल्याचे राष्ट्रवादी काँग्रेसने जाहीर केले आहे.
