‘आई शप्पथ आता मोत्यांची माळ’, हटके अंदाजामुळे रणवीर सिंग पुन्हा ट्रोल
Mumbai Lakshadeep For Printing Download Epaper from files section from bottom of this page
बॉलिवूडचा बाजीराव रणवीर सिंग हा त्याच्या अनोख्या फॅशनमुळे ओळखला जातो. रणवीर सोशल मीडियावर सक्रिय असल्याचे दिसते. सोशल मीडियावर फोटो आणि व्हिडीओ शेअर करत रणवीर चाहत्यांच्या संपर्कात राहतो. रणवीरने सोशल मीडियावर काही फोटो शेअर केले आहेत. हे फोटो सोशल मीडियावर प्रचंड व्हायरल झाले आहेत. या फोटोवरून रणवीरला सोशल मीडियावर ट्रोल करण्यात आले आहे.
रणवीरने हे फोटो त्याच्या इन्स्टाग्राम अकाऊंटवरून शेअर केले आहेत. या फोटोंमध्ये रणवीरने GUCCI या ब्रँडचा हिरव्या रंगाचा ट्रॅकसुट परिधान केला आहे. या सोबतच त्याने मोत्यांची माळा परिधान केली आहे. रणवीरच्या या फोटोंवर नेटकऱ्यांपासून सेलिब्रिटींपर्यंत अनेकांनी कमेंट केली आहे.
तर रणवीरच्या या पोस्टवर नेटकरी विनोदी कमेंट करत आहेत. एक नेटकरी म्हणाला, ‘दादा काही दिसतंय का तुला?’ दुसरा नेटकरी म्हणाला, ‘लोखंडवालाचा टपोरी.’ तिसरा नेटकरी म्हणाला, ‘आता मोतीचा हार आई शप्पथ.’ आणखी एक नेटकरी म्हणाला, ‘आई शप्पत शेवटी मुलांचे कपडे घातलेस.’ दुसरा नेटकरी म्हणाला, ‘सर तुम्ही एवढे विचित्र लूक कसे करतात,’ अशा अनेक कमेंट करत नेटकऱ्यांनी रणवीरला ट्रोल केले आहे. असे पहिल्यांदाच झालेले नाही की रणवीर कपड्यांमुळे ट्रोल झाला आहे. तो नेहमीच अतरंगी अवतरामुळे ट्रोल होत असतो. दरम्यान, रणवीर लवकरच ‘८३’ या चित्रपटात दिसणार आहे. हा चित्रपट १९८३ च्या वर्ल्ड कपमध्ये दिसणार आहे. त्यानंतर ‘सर्कस’, ‘रॉकी और राणी की प्रेम कहाणी’ या चित्रपटांमध्ये दिसणार आहे.
