परिणीती चोप्राचे स्टायलिश शूज कलेक्शन, चाहतेही आवाक्
Mumbai Lakshadeep For Printing Download Epaper from files section from bottom of this page
बॉलिवूड अभिनेत्री परिणीती चोप्रा ही नेहमीच सोशल मीडियावर सक्रिय असते. ती विविध फोटो आणि व्हिडीओ सोशल मीडियावर शेअर करत चाहत्यांच्या संपर्कात राहते. नुकतंच परिणीतीने इन्स्टाग्रामवर दोन फोटो पोस्ट केले आहेत. यात तिचे शूज कलेक्शन पाहायला मिळते. परिणीतीचा हा फोटो पाहून तिचे चाहतेही आवाक झाले आहेत.
परिणीती ही नेहमीच तिच्या लूक आणि फॅशन सेन्समुळे चर्चेत असते. तिने परिधान केलेले अनेक कपडे हे दिसायला फार स्टायलिश असतात. फक्त कपडेच नव्हे तर तिचे सँडल्स, शूज, बॅग्स याच्याही अनेकदा चर्चा रंगतात. नुकतंच तिने तिच्या इन्स्टाग्रामवर शूज कलेक्शनचे फोटो शेअर केले आहेत. यातील एका फोटो ती एका खुर्चीत बसली असून शूज शोधण्याचा प्रयत्न करत आहे. तर दुसऱ्या फोटो ती एका ठिकाणी उभी असल्याचे दिसत आहे.
“केवळ पाच मिनिटात तयार, हे माझे वचन आहे,” असे कॅप्शन तिने या फोटोंना दिले आहे. तिचे हे फोटो सोशल मीडियावर चांगलेच व्हायरल होत आहेत. तिच्या या फोटोंवर फक्त तिचे चाहतेच नाही तर अनेक सेलिब्रेटींनीही कमेंट्स केल्या आहेत. परिणीतीला शूजचे कलेक्शन करण्याचा छंद आहे. तिच्याकडे जवळपास विविध ब्रँडचे शूज वापरते. परिणीती अनेकदा विविध शूज परिधान करते. एका मुलाखतीदरम्यान तिने तिच्याकडील शूज कलेक्शनबद्दल म्हटले होते.
