“संपूर्ण ऑस्ट्रेलियन संघापेक्षा अधिक धावा तर एकट्या शेफाली वर्माने केल्या”
Mumbai Lakshadeep For Printing Download Epaper from files section from bottom of this page
बांगलादेशने पाहुण्या ऑस्ट्रेलिया संघाला टी-२० मालिकेत ४-१ अशी धूळ चारत मालिका आपल्या नावे केली आहे. बांगलादेशने प्रथमच ऑस्ट्रेलिया विरुद्ध टी-२० मालिकेत विजय मिळवला आहे. शेवटच्या सामन्यात बांगलादेशने प्रथम फालंदाजी करताना ८ विकेट्सच्या मोबदल्यात केवळ १२२ धावा केल्या होत्या. १२२ धवांचा पाठलाग करताना ऑस्ट्रेलिया संघाच्या कोणत्याही फालंदाजाला खेळपट्टीवर तग धरता आला नाही. १३.४ षटकांमध्ये संपूर्ण संघ तंबूत परतला. ऑस्ट्रेलियन संघाला फक्त ६२ धावा करता आल्या. कर्णधार मॅथ्यू वेडने सर्वाधिक २२ धावा काढल्या. ऑस्ट्रेलियाचे तब्बल ९ फलंदाज एकेरी धावसंख्येत बाद झाले. एकेकाळचा दादासंघ म्हणून ओळखल्या जाणाऱ्या ऑस्ट्रेलियाच्या या लाजीरवाण्या पराभावानंतर त्यांना ट्रोल केलं जात आहे. अशातच इंग्लंडच्या एका माजी क्रिकेटपटूने ऑस्ट्रेलियन संघाला भारतीय महिला फलंदाज शेफाली वर्माइतक्याही धावा करता न आल्याचा टोला लगावलाय.
ऑस्ट्रेलिया संघाने वेस्ट इंडिज आणि आता बांगलादेशविरुद्ध सलग टी-२० मालिका गमावल्या आहेत. ऑस्ट्रेलियाची फलंदाजी तसेच गोलंदाजी अतिशय सुमार झाली. बांगलादेश संघाच्या सलामीच्या जोडीने ४२ धावा केल्या होत्या, परंतु ऑस्ट्रेलियाच्या गोलंदाजीपुढे बांगलादेशच्या फलंदाजांना नंतर मोठ्या भागीदारी करण्यात अपयश आले आणि बांगलादेशचा संघ १२२ धावाच करु शकला. सहाच्या सरासरीने धावा हव्या असल्याने ऑस्ट्रेलिया हा सामना सहज जिंकेल असं वाटतं होतं. मात्र त्यांनी बांगलादेशहून सुमार कामगिरी करत बांगलादेशच्या संघाने उभारलेल्या धावसंख्येच्या आर्ध्याहून एकच धाव अधिक केली आणि सामना तब्बल ६० धावांनी गमावला. या अगोदर ऑस्ट्रेलिया संघाने ५ सामन्यांच्या मालिकेत एकदाही १५० च्या वर धावा केल्या नाहीत.
